همسات المشاعر

يا ليت تدري


ساكن خيالك بعينى وانت ماتدري

انى بحبك اسابق فيك امالك

ياليت اقدر اوضح لك بعض امري

وارسل حروفي باسم الحب تهجالك

ياليت تدري عن الشوق الى ابصدري

ياليت احضى بلحضه يوم بوصالك

ياليت عينك صدفه تنظر بشعري

والا خيالى يمرفي يوم على بالك

اتمنى قربك لكن كيف ياعمري

ماتدري عنى ولاادري با احوالك

اتعبنى قلبي وصبري يشتكي صبري

ياليت عينى تشوفك واشتكي لك

ساكن بعينى وقلبي وانت ما تدري

انك حبيبي وساكن قلبي لحالك

ماني قادر أنام

ماني قادر والله أنام .. طاير النوم من عيوني

أسرح وأتذكر أيام .. آه لو يعرفون شجوني

أخاف أتكلم وأنلام .. آه ياليت بس يفهموني

ياناس والله حرام .. ماني قادر أنام

والمشكلة اني حاسس انه فيني حاجه

خايف أنطق وأقول ويسون لي سالفه

ياناس والله حرام .. أنا والله ما أنلام

النوم طاير من عيوني ماصارت والله حاله

وقلبي والله العظيم مدري وايش جرى له

ياناس والله حرام .. هذي أحلى أيام

يعني طول اليوم أنا أفكر فيه وفيني ذاك الهيــام

كمان وقت النوم أفكر فيه و ماني قادر أنــام

ولو نمت أنام بالقوة وأفكر فيه في الأحـــلام

باختصار أنا أحب ياناس وهذا الحب ياســلام

أنا أحب وتمنوا لي التوفيق اذا تحبوني

شوفوا السهر باين في رموش عيوني

شوفوا ملامح اللهفـة ولا تلوموني

وماني أول من يحب ولا أنا الأخــير

بس اللي أحبه هو في حياتي الأخــير

وأنا أول انسان يعرفه و أنا الأخــير

أكره غيابك

قالت تضيـق أن غبـت بالحيل قلت أيـه
أكـره حياتي كلها في غيابــك


وشلـون وأنتـي قلـبي ملكتيـه
أكيد نبضـه يختلف فـي ذهابــك


قالـت صحيـح..؟وقلـت ياغايتـي ليـه
ماتعرفيـن أنـي أمـوت بجنابـك


أعشــق وصالـك وأكـره الهجـر طاريــه
وأعيـش لحظات الغـلا في رحابـك


والليـل فـي ذكـراك تطــرب مساريـه
ويشوقنـي بالحـب لحظـة عتابــك


والقلـب لـو بيـدك جرحتيــه منّيــه
ماقـول غيـرإلا هــلا مرحبا بــك


القلـب وعيونـي وروحـي وراعيــه
كلهـن رصيــد مسجّــل فـي حسابــك


يفـداك من تمشـي على الأرض رجليـه
ويفداك من ذاق الغلا واعتـزى بـك


قالت حبيبـي,,وقلـت لبّيــه لبّيـه
لبّـا الخدود اللي زهـت في شبابـك


قالـت أحبـك والغـلا شـف مواريـه
وسط العيـون السـود يشكــي عذابـك


أنـت الحبيـب وباقـي الناس ما بيـه
أمـوت فـي لامـاك وأعشـق ترابـك


الحــب فـي عيونـك غرقـت بموانيـه
والشـوق وقّــف بي على حـد بابــك


ولو تلحق الشرهه حبيبي مشاريــه
مابيـع حبّـك دام قلبـي رضــى بــك


ميـرالدلـع مابيـن غالـي وغاليـه
أنـا أدرى أنـه مايزعّــل جنابـك


قلـت الدلـع والزيـن عندك مباديـه
والعـشق يحيا لأرتـوى مـن سحابـك